പാര്‍ലമെന്റില്‍ ചോദ്യം ഉന്നയിക്കാന്‍ വ്യവസായിയില്‍ നിന്ന് കോഴ വാങ്ങിയെന്ന ആരോപണത്തില്‍ ടിഎംസി എംപി മഹുവ മൊയ്ത്രയോട് ചൊവ്വാഴ്ച്ച ഹാജരാകാന്‍ എത്തിക്സ് കമ്മിറ്റി നിര്‍ദേശിച്ചു. മഹുവയ്ക്കെതിരായ ആരോപണം ഗുരുതരമാണെന്ന് ബിജെപി എംപി വിനോദ് കുമാര്‍ സോണ്‍കര്‍ അധ്യക്ഷനായ എത്തിക്സ് കമ്മിറ്റി വിലയിരുത്തി. ബിജെപി എംപി നിഷികാന്ത് ദുബെയും മഹുവയ്ക്കെതിരെ പരാതി നല്‍കിയ അഭിഭാഷകന്‍ ജയ് ആനന്ദ് ദെഹാദ്റായിയും എത്തിക്സ് കമ്മിറ്റി മുന്‍പാകെ ഇന്ന് മൊഴി നല്‍കി.
മഹുവയുടെ പാര്‍ലമെന്റ് ലോഗിന്‍ ഐഡിയും പാസ്‍വേര്‍ഡും ദുരുപയോഗം ചെയ്യപ്പെട്ടുവെന്നത് അടക്കമുള്ള വിഷയങ്ങളില്‍ കേന്ദ്ര ആഭ്യന്തരമന്ത്രാലയത്തിന്റെയും ഐടി മന്ത്രാലയത്തിന്റെയും ഇടപെടല്‍ എത്തിക്സ് കമ്മിറ്റി ആവശ്യപ്പെടും.
English Summary: Ethics Committee of Lok Sabha calls TMC MP Mahua Moitra on October 31
You may also like this video
