മടപ്പള്ളിയിൽ വീട്ടിൽ നിന്ന് സ്ഫോടക വസ്തുക്കൾ പിടികൂടി

പടക്ക നിർമ്മാണത്തിനായി നിയമവിരുദ്ധമായി സൂക്ഷിച്ച സ്ഫോടക വസ്തുക്കളും അനുബന്ധ സാമഗ്രികളും ചോമ്പാല പൊലീസ് പിടിച്ചെടുത്തു.
മടപ്പള്ളി കരുനിലംകുനിയിൽ ചന്ദ്രന്റെ വീട്ടിൽ നിന്നാണ് ഇവ പിടികൂടിയത്. അനധികൃതമായി സ്ഫോടകവസ്തുക്കൾ സൂക്ഷിച്ചിട്ടുണ്ടെന്ന രഹസ്യവിവരത്തിന്റെ അടിസ്ഥാനത്തിൽ ചോമ്പാല പൊലീസ് ഇൻസ്പെക്ടർ പി വികാസിന്റെ നേതൃത്വത്തിൽ സബ് ഇൻസ്പെക്ടർ പി അനിൽ കുമാർ, എഎസ്ഐ ചിത്രദാസ്, എസിപിഒ ലിനീഷ്, സിപിഒ മാരായ രമ്യ അജേഷ് എന്നിവരടങ്ങിയ സംഘമാണ് വീട് പരിശോധിച്ച് സ്ഫോടക വസ്തുക്കളും അനുബന്ധ സാമഗ്രികളും പിടിച്ചെടുത്തത്. വിവിധ വകുപ്പുകൾ പ്രകാരം വീട്ടുടമക്കെതിരെ കേസ് രജിസ്റ്റർ ചെയ്തു.