രാജസ്ഥാനില്‍ നാലുവയസുള്ള ദളിത് പെണ്‍കുട്ടിക്ക് നേരെ കൊടുംക്രൂരത. രാജസ്ഥാനിലെ ദൗസയില്‍ പൊലീസ് ഉദ്യോഗസ്ഥന്‍ പെണ്‍കുട്ടിക്ക് മദ്യം നല്‍കി ബലാത്സംഗം ചെയ്തു. സംഭവത്തില്‍ എഎസ്‌ഐ ഭൂപേന്ദ്ര സിങ്ങിനെ കസ്റ്റഡിയിലെടുത്തു. തെരഞ്ഞെടുപ്പ് ഡ്യൂട്ടിയിലായിരുന്ന ഭൂപേന്ദ്ര സിങ് താന്‍ താമസിക്കുന്ന വാടക വീട്ടിലേക്ക് കുഞ്ഞിനെ കൂട്ടിക്കൊണ്ടുവന്നാണ് പീഡനത്തിനിരയാക്കിയത്.
സംഭവത്തില്‍ സംസ്ഥാനമൊട്ടാകെ വന്‍ പ്രതിഷേധം ഉയര്‍ന്നിട്ടുണ്ട്. ദൗസ നിവാസികള്‍ മുദ്രാവാക്യങ്ങളുമായി രാഹുവാസ് പൊലീസ് സ്റ്റേഷന്‍ ഉപരോധിച്ചു. പൊലീസിന് ഔദ്യോഗികമായി കൈമാറുന്നതിന് മുമ്പ് പ്രതിയായ ഭൂപേന്ദ്ര സിങ്ങിനെ ജനക്കൂട്ടം മര്‍ദിക്കുകയും ചെയ്തു. കുട്ടിയെ വൈദ്യപരിശോധനയ്ക്ക് വിധേയയാക്കി. കേസിൽ കർശന നടപടി സ്വീകരിക്കാൻ നിർദേശം നൽകിയിട്ടുണ്ടെന്നും കുറ്റാരോപിതനായ ഉദ്യോഗസ്ഥനെ പിരിച്ചുവിടാൻ ഉത്തരവിട്ടിട്ടുണ്ടെന്നും രാജസ്ഥാൻ ഡിജിപി ഉമേഷ് മിശ്ര പറഞ്ഞു.
English Summary: Extreme brutality in Rajasthan; A four-year-old girl was given alcohol and ra ped
You may also like this video
