ഡൽഹി മുഖ്യമന്ത്രി അരവിന്ദ് കെജ്‌രിവാളിനെതിരെ എൻഫോഴ്സ്മെന്റ് ഡയറക്ടറേറ്റ് വീണ്ടും കോടതിയിൽ. അഞ്ച് തവണ ചോദ്യം ചെയ്യലിന് ഹാജരാകണമെന്ന് ആവശ്യപ്പെട്ട് സമൻസ് നൽകിയിട്ടും ഹാജരായില്ലെന്ന് കാട്ടിയാണ് ഇഡി കോടതിയെ സമീപിച്ചത്. ഡൽഹി റോസ് അവന്യൂ കോടതിയിലാണ് ഇഡി ഹർജി ഫയൽ ചെയ്തത്. അന്വേഷണവുമായി കെജ്‌രിവാൾ സഹകരിക്കുന്നില്ലെന്നു ഹർജിയിൽ വ്യക്തമാക്കി. കേസ് കോടതി ബുധനാഴ്ച പരിഗണിക്കും. നവംബർ രണ്ട്, ഡിസംബർ 21, ജനുവരി മൂന്ന്, 18, ഫെബ്രുവരി രണ്ട് തീയതികളിൽ ഹാജരാവാൻ ആവശ്യപ്പെട്ടാണ് ഇഡി കെജ്രിവാളിന് നോട്ടീസയച്ചത്. എന്നാൽ നോട്ടീസ് നിയമവിരുദ്ധവും രാഷ്ട്രീയപ്രേരിതവുമാണെന്ന് കാട്ടിയാണ് കെജ്‌രിവാൾ സമൻസ് തള്ളിക്കളഞ്ഞത്.
English Summary:failed to appear despite summons; ED against Arvind Kejriwal in court
You may also like this video
