വ്യാജ സര്‍ട്ടിഫിക്കറ്റ് കേസില്‍ നിഖില്‍ തോമസിനെ ഇന്ന് വീണ്ടും ചോദ്യം ചെയ്യും. കഴിഞ്ഞ ദിവസത്തെ ചോദ്യം ചെയ്യലില്‍ പല കാര്യങ്ങളിലും അവ്യക്തത വന്നതുകൊണ്ടാണ് വീണ്ടും ചോദ്യം ചെയ്യുന്നത്. മൊബൈല്‍ കളഞ്ഞു എന്ന് പറഞ്ഞ കായംകുളത്ത് പരിസരപ്രദേശങ്ങളിലും തെളിവെടുപ്പ് നടത്തും.
കായംകുളം എംഎസ്എം കോളേജിൽ വ്യാജ ഡിഗ്രിയുമായി എംകോമിന് ചേർന്ന കേസില്‍ നിഖില്‍ തോമസിനെ കഴിഞ്ഞ ദിവസമാണ് പൊലീസ് പിടികൂടിയത്. കോഴിക്കോട് നിന്ന് കൊട്ടാരക്കരയിലേക്ക് വരുമ്പോള്‍ കോട്ടയം ബസ് സ്റ്റാന്‍ഡില്‍ വെച്ചാണ് നിഖിലിനെ പിടികൂടിയത്. കേസെടുത്തത് മുതല്‍ ഒളിവില്‍ കഴിയുകയായിരുന്നു നിഖില്‍. ഡിവൈഎസ്പിക്ക് ലഭിച്ച രഹസ്യ വിവരത്തിന്റെ അടിസ്ഥാനത്തില്‍ നടത്തിയ പരിശോധനയിലാണ് നിഖില്‍ തോമസ് പിടിയിലാകുന്നത്.
English Summary: fake certificate case; Nikhil Thomas will be questioned again today
You may also like this video
