വ്യാജ ഡോക്ടർ ചമഞ്ഞ് കേരളത്തിലെ വിവിധ ജില്ലകളിൽ ചികിത്സ നടത്തിയ വ്യാജ ഡോക്ടർ പിടിയിലായി. ജാമ്യത്തിൽ ഇറങ്ങി മുങ്ങിയ തിരുവനന്തപുരം സ്വദേശി വഞ്ചിയൂർ വിളയിൽ ഹൗസിൽ സജിത്തിനെയാണ് വഞ്ചിയൂരിൽ നിന്നും അറസ്റ്റ് ചെയ്തത്. പൂച്ചാക്കൽ പൊലീസ് സ്റ്റേഷനിൽ രജിസ്റ്റർ ചെയ്ത കേസിൽ 2016ൽ ജാമ്യത്തിലിറങ്ങി ഒളിവിൽ കഴിഞ്ഞുപരികയായിരുന്നു. ഈ കേസിലാണ് അറസ്റ്റിലായത്.
പ്രതിയെ പിടികൂടിയത് സിപിഓ സുബിമോൻ ആണ്. ചേർത്തല കോടതിയിൽ ഹാജരാക്കിയ പ്രതിയെ റിമാൻഡ് ചെയ്തു. മലപ്പുറം ജില്ലയിലെ താനൂർ പൊലീസ് സ്റ്റേഷനിൽ 2010 ൽ രജിസ്റ്റർ ചെയ്ത കേസിലും 2016 ൽ കോട്ടയം ജില്ലയിലെ കുമരകം പൊലീസ് സ്റ്റേഷനിൽ രജിസ്റ്റർ ചെയ്ത കേസിലും ജാമ്യത്തിൽ ഇറങ്ങി ഒളിവിൽ പോയതിന് ഇയാൾക്കെതിരെ വാറണ്ട് നിലനിൽക്കുന്നുണ്ട്.