തുടര്ച്ചയായി സിനിമകളുടെ വ്യാജപതിപ്പുകള് വ്യാപകമായി സോഷ്യല് മീഡിയയില് വരുന്നതില് നടപടിയെടുക്കണമെന്ന് ആവിശ്യപ്പെട്ട് സര്ക്കാരിന് പരാതി നല്കി പ്രൊഡ്യൂസേഴ്സ് അസോസിയേഷന്. കഴിഞ്ഞ ദിവസമാണ് തുടരും സിനിമയുടെ വ്യാജ പതിപ്പ് ടൂറിസ്റ്റ് ബസ്സില് പ്രദര്ശിപ്പിച്ചത്. പുറകില് വന്ന കാര് യാത്രക്കാര് ദൃശ്യങ്ങള് സഹിതം നടന് ബിനു പപ്പുവിന് അയച്ചുകൊടുക്കുകയായിരുന്നു. ഇതിനെതിരെ സിനിമയുടെ നിര്മാതാക്കള് പൊലീസിലും സൈബര്സെല്ലിലും പരാതി നല്കി. ഇതില് നടപടിയെടുക്കുമെന്ന് അധികൃതര് അറിയിച്ചതിനു പിന്നാലെയാണ് പ്രൊഡ്യൂസേര്സ് അസോസിയേഷനും പരാതിയുമായി രംഗത്ത് എത്തിയിരിക്കുന്നത്. മുമ്പും വ്യാജ പതിപ്പുകള് പ്രചരിപ്പിക്കുന്നതിനെതിരെ നടപടി വേണമെന്നാവശ്യപ്പെട്ട് പരാതി നല്കിയുരുന്നെങ്കിലും കാര്യമായ നടപടികളൊന്നും ഉണ്ടാവാതായതോടെയാണ് സര്ക്കാരിന് പരാതി നല്കിയത്.
പുതിയ സിനിമകളുടെ വ്യാജപതിപ്പുകള് ടെലിഗ്രാമില്; സര്ക്കാരിന് പരാതി നല്കി പ്രൊഡ്യൂസേഴ്സ് അസോസിയേഷന്
