പത്തനംതിട്ടയില്‍ പുലിയിറങ്ങിയെന്ന് വ്യാജ പ്രചരണം നടത്തിയ മൂന്ന് പേര്‍ അറസ്റ്റില്‍. കൂടൽ ഇഞ്ചപ്പാറയിൽ കടുവ ഇറങ്ങിയെന്ന് വ്യാജ പ്രചാരണം നടത്തിയ മൂന്നു പേരെ പൊലീസ് അറസ്റ്റ് ചെയ്തു. പാക്കണ്ടം സ്വദേശികളായ ആത്മജ്, അരുൺ മോഹനൻ ‚ഹരിപ്പാട് സ്വദേശി ആദർശ് എന്നിവരാണ് അറസ്റ്റിലായത്. ഇഞ്ചപ്പാറയിൽ കടുവ ഇറങ്ങിയെന്ന് ചിത്രം അടക്കം ഉൾപ്പെടുത്തിയായിരുന്നു വ്യാജ പ്രചാരണം നടത്തിയത്. തുടർന്ന് പാടം ഫോറസ്റ്റ് സ്റ്റേഷൻ ഡെപ്യൂട്ടി റേയ്ഞ്ച് ഓഫീസർ പരാതി നൽകിയിരുന്നു. ഈ പരാതിയുടെ അടിസ്ഥാനത്തിൽ കൂടൽ പൊലീസാണ് പ്രതികളെ അറസ്റ്റ് ചെയ്തത്.
കടുവ ഇറങ്ങിയെന്ന് വ്യാജ പ്രചാരണം; പത്തനംതിട്ടയിൽ മൂന്ന് പേർ അറസ്റ്റിൽ
