പിതാവ് ലൈംഗികമായി പീഡിപ്പിച്ചുവെന്ന് കുറിപ്പെഴുതിവച്ചശേഷം 14 കാരി ആത്മഹത്യ ചെയ്തു. മഹാരാഷ്ട്രയിലെ പാൽഘഡ് ജില്ലയിലെ വസായിലുള്ള വീട്ടിലാണ് 14 വയസ്സുകാരി തൂങ്ങിമരിച്ചത്. പിതാവ് തന്നെ ലൈംഗികമായി ദുരുപയോഗം ചെയ്തുവെന്ന് ആരോപിച്ച് പെണ്‍കുട്ടി എഴുതിയ ആത്മഹത്യാ കുറിപ്പ് പൊലീസ് കണ്ടെടുത്തു.
മൂന്ന് ദിവസം മുമ്പ് വാലിവിലെ കുടുംബവീട്ടിൽ വെച്ചാണ് പെൺകുട്ടി മരിച്ചത്. വ്യാഴാഴ്ചയാണ് കുറിപ്പ് കണ്ടെടുത്തത്.
അമ്മയോട് വിഷയം ഉന്നയിച്ചെങ്കിലും കാര്യമുണ്ടായില്ലെന്നും പിതാവിനെ കഠിനമായി ശിക്ഷിക്കണമെന്നും പെൺകുട്ടി കുറിപ്പിൽ ആവശ്യപ്പെട്ടു. കേസിൽ അന്വേഷണം പുരോഗമിക്കുകയാണെന്നും പൊലീസ് പറഞ്ഞു.
മൃതദേഹം പോസ്റ്റ്‌മോർട്ടത്തിനായി സർക്കാർ ആശുപത്രിയിലേക്ക് അയച്ചു.
English Summary: Father sexually abused her, told her mother but did nothing: 14-year-old commits suicide by writing a note
You may also like this video
