ഫാത്തിമ തെഹ്ലിയയെ എംഎസ്‌എഫ് ദേശീയ വൈസ് പ്രസിഡന്റ് സ്ഥാനത്തുനിന്ന് നീക്കി. മുസ്ലിം ലീഗ് കേരള സംസ്ഥാന കമ്മിറ്റിയുടെ ശുപാര്‍ശ പ്രകാരമാണ് മുസ്ലിം ലീഗ് ദേശീയ കമ്മിറ്റി ഫാത്തിമയ്‌ക്കെതിരെ നടപടി എടുത്തത്.
“ഹരിത’ വിവാദത്തില്‍ ഫാത്തിമ നടത്തിയത് കടുത്ത അച്ചടക്കലംഘനമെന്ന കണ്ടെത്തലിനു പിന്നാലെയാണ് നടപടിയെന്നാണ് ലീഗ് വാര്‍ത്താക്കുറിപ്പില്‍ വ്യക്തമാക്കിയിരിക്കുന്നത്. ഹരിതയ്ക്കു പുതിയ സംസ്ഥാന കമ്മിറ്റിയെ പ്രഖ്യാപിച്ച രീതിയില്‍ അതൃപ്തിയുണ്ടെന്ന് തെഹ്‌ലി‍യ കഴിഞ്ഞ ദിവസം പ്രതികരിച്ചിരുന്നു.
അതേസമയം, ഹരിത വിവാദത്തില്‍ ലീഗ് നേതൃത്വം രണ്ടു തട്ടിലായിരുന്നുവെന്നതിന്‍റെ കൂടുതല്‍ തെളിവുകള്‍ പുറത്തുവന്നു. എംഎസ്‌എഫ് സംസ്ഥാന വൈസ് പ്രസിഡന്റ് പി.പി. ഷൈജല്‍ ഇക്കാര്യം സ്ഥിരീകരിക്കുന്ന ശബ്ദരേഖ പുറത്തായി. എന്നാല്‍ ആരോപണ വിധേയരായരാണ് ഓഡിയോ പ്രചരിപ്പിച്ചതെന്നും സത്യം ജയിക്കുമെന്നും ഷൈജല്‍ പ്രതികരിച്ചു.
English Summary : fathima thehliya removed from msf national vice president position
You may also like this video :
