ലൈബ്രറിയിലെ വൈകിയ പുസ്തകങ്ങൾക്ക് പിഴയീടാക്കുന്നത് ഒഴിവാക്കി

ലൈബ്രറികളിൽ നിന്ന് പുസ്തകമെടുത്ത വിദ്യാർത്ഥികളെയും അദ്ധ്യാപകരെയും പിഴയീടാക്കുന്നതിൽ നിന്ന് ഒഴിവാക്കുമെന്ന് ഉന്നത വിദ്യാഭ്യാസ വകുപ്പ് മന്ത്രി ആർ ബിന്ദു. കലാലയങ്ങൾ അടഞ്ഞുകിടന്ന കാലയളവില്‍ പിഴയീടാക്കുന്നത് ഒഴിവാക്കാനാണ് തീരുമാനം. 

മന്ത്രി ആർ ബിന്ദു ഉന്നതവിദ്യാഭ്യാസ അഡീഷണൽ ചീഫ് സെക്രട്ടറി ഡോ വി വേണുവിന് ഇക്കാര്യത്തിൽ ഉത്തരവിറക്കാൻ നിർദ്ദേശം നൽകി. പുസ്തകം തിരിച്ചുനൽകുമ്പോഴുള്ള ദീർഘകാലത്തെ പിഴയൊടുക്കാതെ വിദ്യാർത്ഥികൾക്ക് വിടുതൽ സർട്ടിഫിക്കറ്റ് നൽകുന്നില്ലെന്നത് ശ്രദ്ധയിൽപ്പെട്ടാണ് നടപടി.

ENGLISH SUMMARY:Fines for late books in the library were waived
You may also like this video