ഡിജിറ്റൽ പ്രിന്റിംഗ് സ്ഥാപനത്തിൽ തീപിടുത്തം. മുതുകുളം രണ്ടാം വാർഡിൽ കോയിപ്പുറത്ത് സുനിൽകുമാറിന്റെ ഉടമസ്ഥതയിലുള്ള മാസ് ഡിജിറ്റൽ ഗ്രാഫിക്സ് എന്ന സ്ഥാപനത്തിൽ ആണ് തീപിടുത്തം ഉണ്ടായത്. കഴിഞ്ഞദിവസം രാവിലെ പത്തരയോടെ സുനിൽകുമാർ ഓഫീസ് അടച്ച് കുടുംബ ക്ഷേത്രത്തിൽ പൂജയിൽ പങ്കെടുക്കാനായി പോയപ്പോഴാണ് ഷോർട്ട് സർക്യൂട്ടിന് തുടർന്ന് തീ പിടുത്തമുണ്ടായത്.
സമീപത്തെ കടയിൽ ഉണ്ടായിരുന്നവരും നാട്ടുകാരും ചേർന്ന് പെട്ടെന്ന് തന്നെ തീ കെടുത്തിയെങ്കിലും സിറോക്സിന്റെ ലേസർ മെഷീനും, രണ്ട് സിംഗിൾ കളർ മെഷീനുകളും, കമ്പ്യൂട്ടർ, ലാപ്ടോപ്പ് ഉൾപ്പെടെയുള്ള ഓഫീസ് ഉപകരണങ്ങൾ അഗ്നിക്കിരിയായി. ഏകദേശം 10 ലക്ഷം രൂപയുടെ നാശനഷ്ടം ഉണ്ടായതായി അറിയിച്ചു. കനകക്കുന്ന് പോലീസിൽ പരാതി നൽകി.
English Summary: Fire at a digital printing firm.