ഇന്തോനേഷ്യയില് ജയിലിലുണ്ടായ അഗ്നിബാധയെ തുടർന്ന് 40 തടവുകാർ കൊല്ലപ്പെട്ടു. നിരവധി പേർക്ക് പരിക്കേറ്റു. ബുധനാഴ്ച് പുലർച്ചെ ഒരു മണിക്കും രണ്ടിനുമിടയിലാണ് ജയിലിൽ തീപിടുത്തമുണ്ടായതെന്ന് ജയില് അധികൃതർ അറിയിച്ചു. ബൻടെൻ പ്രവിശ്യയിലെ ടാഗെറാങ് ജയിലിലാണ് തീപിടിത്തമുണ്ടായത്. ജയിലിലെ സി ബ്ലോക്കിലാണ് അഗ്നിബാധയുണ്ടായതെന്ന് അധികൃതർ വ്യക്തമാക്കി.
ഇതുകൂടി വായിക്കുക:പാക് വിരുദ്ധ പ്രക്ഷോഭത്തിനുനേരെ താലിബാന് വെടിവയ്പ്
തീ നിയന്ത്രണ വിധേയമായതായും സംഭവത്തിൽ അന്വേഷണം ആരംഭിച്ചതായും ജയിൽ വക്താവ് റിക അപ്രിയാൻടി അറിയിച്ചു. തീപിടിത്തമുണ്ടായ ബ്ലോക്കിൽ മയക്കുമരുന്നുമായി ബന്ധപ്പെട്ട കുറ്റകൃത്യങ്ങളിൽ ഏർപ്പെട്ടവരെയാണ് പാർപ്പിച്ചിരുന്നത്. 122 പേരെയാണ് ഈ ബ്ലോക്കിൽ താമസിപ്പിക്കാൻ സാധിക്കുന്നത്. എന്നാൽ സംഭവ സമയത്ത് സി ബ്ലോക്കിൽ എത്ര പേരാണ് ഉണ്ടായിരുന്നു എന്നത് സംബന്ധിച്ച് വിവരങ്ങൾ അധികൃതർ വ്യക്തമാക്കിയിട്ടില്ല.
English summary: fire breaks out at Tagoreng prison in Indonesia: 40 prisoners killed
you may also like this video