മുംബൈയിലെ ലോഖണ്ഡ്‌വാല കോംപ്ലക്‌സിലെ 14 നിലകളുള്ള പാര്‍പ്പിട സമുച്ചയത്തിൽ ബുധനാഴ്ച പുലർച്ചെയുണ്ടായ തീപിടിത്തത്തിൽ മൂന്ന് പേർ മരിച്ചു.
അന്ധേരി ഏരിയയിലെ ലോഖണ്ഡ്‌വാല കോംപ്ലക്‌സിലെ നാലാം ക്രോസ് റോഡിൽ സ്ഥിതി ചെയ്യുന്ന റിയ പാലസ് കെട്ടിടത്തിന്റെ പത്താം നിലയിൽ രാവിലെ എട്ട് മണിയോടെയാണ് തീപിടുത്തമുണ്ടായതെന്ന് സിവിൽ ഉദ്യോഗസ്ഥൻ പറഞ്ഞു.
മരിച്ച ചന്ദ്രപ്രകാശ് സോണി (74), കാന്ത സോണി (74), പെലുബെറ്റ (42) എന്നിവരെ തിരിച്ചറിഞ്ഞതായും അധികൃതര്‍ അറിയിച്ചു. പുലര്‍ച്ചെയുണ്ടായ തീപിടിത്തം രാവിലെ ഒമ്പത് മണിയോടെയാണ് അണയ്ക്കാനായതെന്ന് അഗ്നിശമനസേനാ ഉദ്യോഗസ്ഥർ പറഞ്ഞു. തീപിടിത്തത്തിന്റെ കാരണം ഇതുവരെ കണ്ടെത്താനായിട്ടില്ലെന്ന് ഉദ്യോഗസ്ഥർ പറഞ്ഞു.