വൃദ്ധസദനത്തിലുണ്ടായ തീപിടിത്തത്തില്‍ രണ്ട് വയോധികര്‍ മരിച്ചു.ഡല്‍ഹിയിലെ ഗ്രേറ്റർ കൈലാഷിലെ വൃദ്ധസദനത്തിലാണ് തീപിടത്തമുണ്ടായത്. 13 പേരെ രക്ഷപ്പെടുത്തി. ആശുപത്രിയും കൂടി ഇവിടെ പ്രവര്‍ത്തിച്ചിരുന്നുവെന്നാണ് വിവരം. ഇന്ന് പുലർച്ചെ 5.15നാണ് തീപിടുത്തമുണ്ടായത്.
അപകടത്തില്‍ 82ഉം 92ഉം വയസുള്ള വയോധിക സ്ത്രീകളാണ് മരിച്ചതെന്ന് അധികൃതര്‍ വ്യക്തമാക്കി. തീ നിയന്ത്രണവിധേയമാക്കിയതായി പൊലീസും അഗ്നിശമന സേനയും അറിയിച്ചു. അഗ്നിശമന സേനയുടെ അഞ്ച് വാഹനങ്ങള്‍ സംഭവസ്ഥലത്തെത്തി. തീപിടുത്തത്തിന്റെ കാരണം അന്വേഷണവിധേയമാക്കുമെന്ന് അധികൃതര്‍ അറിയിച്ചു.
English Summary: Fire in old age home: Two elderly people killed
You may also like this video
