രാജ്യത്ത് ഇലക്ട്രിക് വാഹനങ്ങള്‍ക്ക് തീ പിടിക്കുന്നത് തുടര്‍ക്കഥയായതോടെ വാഹനങ്ങള്‍ തിരിച്ചുവിളിക്കണമെന്ന് നിതി ആയോഗ് സിഇഒ അമിതാഭ് കാന്ത് നിര്‍മ്മാതാക്കളോട് ആവശ്യപ്പെട്ടു. തീപിടിത്തമുണ്ടായ വാഹനങ്ങളുടെ മുഴുവന്‍ ബാച്ചും സ്വമേധയാ തിരിച്ചുവിളിക്കണമെന്ന് അദ്ദേഹം കമ്പനികളോട് ആവശ്യപ്പെട്ടു. ഉയര്‍ന്ന അന്തരീക്ഷ താപനിലയായിരിക്കാം വാഹനങ്ങള്‍ തുടര്‍ച്ചയായി തീ പിടിക്കാന്‍ കാരണമെന്ന് കേന്ദ്ര ഗതാഗതമന്ത്രി നിതിന്‍ ഗഡ്കരി പറഞ്ഞിരുന്നു. ഇലക്ട്രിക് വാഹന വിപണിക്കായി രാജ്യത്ത് പുതിയ മാര്‍ഗനിര്‍ദേശങ്ങള്‍ തയ്യാറാക്കാനും പദ്ധതിയിടുന്നുണ്ട്. കഴിഞ്ഞ ആഴ്ച നാസികില്‍ ജിതേന്ദ്ര ഇലക്ട്രിക് വെഹിക്കിള്‍സ് പുറത്തിറക്കിയ നിരവധി ഇലക്ട്രിക് വാഹനങ്ങള്‍ക്ക് തീപിടിച്ചിരുന്നു. സംഭവത്തിന്റെ മൂലകാരണം അന്വേഷിച്ചുവരികയാണെന്നും കണ്ടെത്തലുകള്‍ വരും ദിവസങ്ങളില്‍ പുറത്തുവിടുമെന്നും കമ്പനി അറിയിച്ചു. ഇലക്ട്രിക് വാഹനങ്ങള്‍ തുടര്‍ച്ചയായി തീപിടിക്കുന്ന സംഭവങ്ങളില്‍ കേന്ദ്രസര്‍ക്കാരും അന്വേഷണം നടത്തുന്നുണ്ട്.
English summary; Fires: Electric vehicles may be recalled
You may also like this video;
