ഡൽഹി ജാമിയ മില്ലിയ സർവകലാശാലക്ക് പുറത്ത് വെടിവെപ്പ്; പൊലീസ് അന്വേഷണം ആരംഭിച്ചു

ഡൽഹിയിലെ ജാമിയ മില്ലിയ സർവകലാശാലക്ക് പുറത്ത് വെടിവെപ്പ്. 13-ാം നമ്പർ ഗേറ്റിന് പുറത്താണ് വെടിവെപ്പുണ്ടായത്. ജാമിയയിലെ വിദ്യാർത്ഥികളും പുറത്തുനിന്നുള്ള സംഘവും തമ്മിൽ സംഘർഷമുണ്ടായതിന് പിന്നാലെയാണ് വെടിവെപ്പുണ്ടായതെന്നാണ് റിപ്പോര്‍ട്ടുകള്‍ സൂചിപ്പിക്കുന്നത്. ആരാണ് വെടിയുതിർതെന്ന് വ്യക്തമല്ലെന്നും ഇതുവരെ പരാതികളൊന്നും ലഭിച്ചിട്ടില്ലെന്നും പൊലീസ് അറിയിച്ചു. സംഭവത്തിൽ പൊലീസ് അന്വേഷണം ആരംഭിച്ചു.