പാലോട് ഫോറസ്റ്റ് റേഞ്ച് ഓഫീസിന് സമീപം മീൻ ലോറിയും ബൈക്കും കൂട്ടിയിടിച്ചുണ്ടായ അപകടത്തില് യുവാവിന് ദാരുണാന്ത്യം. നന്ദിയോട് കള്ളിപ്പാറ സ്വദേശി അനന്തുവാണ് (24) അപകടത്തില് മരിച്ചത്. പാലോട് പ്രവർത്തിക്കുന്ന ഒരു ജിമ്മിലെ ട്രെയിനറായി ജോലി ചെയ്യുകയായിരുന്നു അനന്തു.
പരിശീലനം കഴിഞ്ഞ് രാവിലെ 8.45-ഓടെ വീട്ടിലേക്ക് മടങ്ങുന്നതിനിടെയാണ് പാലോട് ഫോറസ്റ്റ് റേഞ്ച് ഓഫീസിന് സമീപം മീൻ അനന്തു സഞ്ചരിച്ച ബൈക്കിൽ, നന്ദിയോട് നിന്ന് പാലോട്ടേക്ക് അമിത വേഗതയിൽ മീൻ കയറ്റി വന്ന മിനി ലോറി ഇടിച്ചാണ് അപകടുണ്ടായത്. അനന്തു സംഭവസ്ഥലത്ത് വച്ച് തന്നെ മരിച്ചു. പാലോട്ടെ ഒരു മൊബൈൽ ഷോപ്പിലും അനന്തു ജോലിനോക്കിയിരുന്നു. മീൻ ലോറിയും ഡ്രൈവറെയും പാലോട് പൊലീസ് കസ്റ്റഡിയിലെടുത്തു.