മധ്യപ്രദേശിലെ ഉമരിയ ജില്ലയിൽ ദേശീയ പാതയോരത്ത് കാർ മരത്തിലിടിച്ച് അഞ്ച് പേർ മരിച്ചു. ദേശീയ പാത നമ്പർ 43‑ൽ മജ്ഗാവ ഗ്രാമത്തിന് സമീപം തിങ്കളാഴ്ച പുലർച്ചെ മൂന്ന് മണിയോടെയാണ് സംഭവം നടന്നതെന്ന് ഒരു ഉദ്യോഗസ്ഥൻ പറഞ്ഞു.
ഉമരിയയിൽ നിന്ന് ഷഹ്‌ദോലിലേക്ക് പോയ കാറിൽ അഞ്ച് പേരാണുണ്ടായിരുന്നത്. കാറിലുണ്ടായിരുന്ന മൂന്ന് പേർ സംഭവസ്ഥലത്ത് വെച്ച് തന്നെ മരിച്ചതായും രണ്ട് പേർ ആശുപത്രിയിലേക്കുള്ള യാത്രാമധ്യേ മരണത്തിന് കീഴടങ്ങിയതായും അദ്ദേഹം പറഞ്ഞു.
കൊല്ലപ്പെട്ടവരെല്ലാം 30നും 35നും ഇടയിൽ പ്രായമുള്ളവരാണ്. ഇവരിൽ ഭൂരിഭാഗവും സർക്കാർ ജീവനക്കാരാണെന്നും അദ്ദേഹം കൂട്ടിച്ചേർത്തു. സംഭവത്തില്‍ കേസ് രജിസ്റ്റർ ചെയ്ത് കൂടുതൽ അന്വേഷണം നടത്തിവരികയാണ്.
English Summary: Five killed after car crashes into tree in Madhya Pradesh
You may also like this video
