ജമ്മു കശ്മീരിലുണ്ടായ ഏറ്റുമുട്ടലിൽ അഞ്ച് ഭീകരരെ സൈന്യം വധിച്ചു. രണ്ടിടങ്ങളിലായി നടന്ന ആക്രമണത്തില്‍ ജയ്ഷെ മുഹമ്മദ് കമാൻഡർ സാഹിദ് വാനിയും ഒരു പാകിസ്ഥാനി ഭീകരനും കൊല്ലപ്പെട്ടവരിൽ ഉൾപ്പെടുന്നതായി സൈന്യം അറിയിച്ചു. പുൽവാമ, ബുദ്ഗാം ജില്ലകളിലാണ് ഏറ്റുമുട്ടലുണ്ടായത്. ലഷ്‌കർ-ഇ‑തൊയ്ബ, ജയ്ഷെ മുഹമ്മദ് എന്നീ സംഘടനകളുമായി ബന്ധമുള്ള ഭീകരരാണ് കൊല്ലപ്പെട്ടതെന്ന് കശ്മീര്‍ ഐജിപി വിജയ് കുമാര്‍ അറിയിച്ചു.
പുൽവാമ ജില്ലയിലെ നൈറ മേഖലയിലാണ് നാല് ഭീകരരെ വധിച്ചത്. ഇവിടെ നിന്ന് ആയുധങ്ങളും മറ്റ് വെടിക്കോപ്പുകളും കണ്ടെടുത്തു. പ്രദേശത്ത് തിരച്ചില്‍ തുടരുകയാണെന്ന് കശ്മീർ സോൺ പൊലീസ് ട്വീറ്റ് ചെയ്തു. ബുദ്ഗാമിലെ ഏറ്റുമുട്ടലില്‍ കൊല്ലപ്പെട്ടത് ഒരു ഭീകരനാണ്. എകെ 56 റൈഫിൾ ആയുധങ്ങള്‍ ഇവിടെ നിന്ന് കണ്ടെത്തിയത്.
ENGLISH SUMMARY:Five militants, including Jaish-e-Muhammad commander, killed in clashes with troops in Jammu and Kashmir
You may also like this video
