ജമ്മു കശ്മീരിലെ ബില്ലവാറിലെ ധനു പരോൾ ഗ്രാമത്തിൽ വെള്ളിയാഴ്ചയുണ്ടായ വാഹനാപകടത്തിൽ അഞ്ച് പേർ മരിക്കുകയും 15 പേർക്ക് ഗുരുതരമായി പരിക്കേൽക്കുകയും ചെയ്തു. കൗഗിൽ നിന്ന് ദന്നു പരോളിലേക്ക് വരികയായിരുന്ന വാഹനം സിലയിൽ കൊക്കയിലേക്ക് വീണതിനെ തുടർന്നാണ് അപകടമുണ്ടായതെന്ന് പൊലീസ് പറഞ്ഞു.
നാല് പേർ സംഭവ സ്ഥലത്തുവച്ചുതന്നെ മരിച്ചു. മറ്റൊരാള്‍ ആശുപത്രിയില്‍ ചികിത്സയിലിരിക്കെയാണ് മരിച്ചത്. പരിക്കേറ്റ 15 പേരെ ബില്ലവറിലെ സബ് ജില്ലാ ആശുപത്രിയിൽ പ്രവേശിപ്പിച്ചു. ബന്തു, ഹൻസ് രാജ്, അജീത് സിംഗ്, അംറൂ, കാകു റാം എന്നിവരാണ് അപകടത്തിൽ മരിച്ചതെന്ന് തിരിച്ചറിഞ്ഞിട്ടുണ്ട്. സംഭവത്തിൽ ബില്ലവാർ പൊലീസ് അന്വേഷണം ആരംഭിച്ചു.
English Summary: Five people died after their car fell into a gorge in Jammu and Kashmir
You may also like this video
