ഉത്തര്‍പ്രദേശിലെ നോയിഡയില്‍ സഹപാഠിയെ മർദിക്കുകയും ലൈംഗികമായി പീഡിപ്പിക്കുകയും ചെയ്തതിന് അഞ്ച് വിദ്യാർത്ഥികൾക്കെതിരെ കേസെടുത്തു. സ്വകാര്യ സ്കൂളിലെ വിദ്യാര്‍ത്ഥികളാണ് തങ്ങളുടെ ക്ലാസില്‍ത്തന്നെ പഠിക്കുന്ന പെണ്‍കുട്ടിയെ ശാരീരികമായി ഉപദ്രവിക്കുകയും ലൈംഗിക പീഡനത്തിന് ഇരയാക്കുകയും ചെയ്തത്. പതിനൊന്നാം തരം വിദ്യാര്‍ത്ഥികളാണ് ഇവര്‍.
സഹപാഠികള്‍ പീഡിപ്പിക്കുന്നതായി പ്രധാന അധ്യാപകന് പരാതി നല്‍കിയിരുന്നതായും എന്നാല്‍ അതിനുശേഷം 13ന് വീണ്ടും സഹപാഠികള്‍ പീഡിപ്പിച്ചതായും പെണ്‍കുട്ടി പൊലീസിന് നല്‍കിയ പരാതിയില്‍ പറയുന്നു. പ്രതികളിലൊരാൾ മകളെ കൊല്ലുമെന്ന് ഭീഷണിപ്പെടുത്തിയതായും പിതാവ് ആരോപിച്ചു. പരാതിക്കാരിയും പ്രതികളായ കുട്ടികളും പ്രായപൂര്‍ത്തിയാകാത്തവരാണ്. കുട്ടിയുടെ പരാതിയിന്മേല്‍ ഇന്ത്യൻ പീനൽ കോഡ് സെക്ഷൻ 147 (കലാപം), 323 (സ്വമേധയാ മുറിവേൽപ്പിക്കുക), 352, (ആക്രമണമോ ക്രിമിനൽ ബലമോ), 345 എ (ലൈംഗിക ആക്രമണം), 506 (ക്രിമിനൽ ഭീഷണിപ്പെടുത്തൽ) എന്നിവ പ്രകാരം എഫ്‌ഐആർ രജിസ്റ്റർ ചെയ്തിട്ടുണ്ടെന്നും പൊലീസ് പറഞ്ഞു.
English Summary: Five students were arrested for sexually assaulting their classmate
you may also like this video
