303 ഇന്ത്യക്കാരുമായി നിക്കരാഗ്വയ്ക്ക് പറന്ന വിമാനം അടിയന്തരമായി ഫ്രാന്‍സിലിറക്കി. യാത്രാ ഉദ്ദേശ്യത്തില്‍ സംശയം തോന്നിയതിനെ തുടര്‍ന്ന് വിമാനം തടയുകയായിരുന്നു. സംഭവത്തില്‍ അന്വേഷണം പുരോഗമിക്കുകയാണെന്ന് പ്രാദേശിക സുരക്ഷാ ഉദ്യോഗസ്ഥര്‍ അറിയിച്ചു. മനുഷ്യക്കടത്താണെന്നാണ് അനുമാനം.
ദുബായില്‍ നിന്ന് വ്യാഴാഴ്ചയാണ് വിമാനം പുറപ്പെട്ടത്. റൊമാനിയന്‍ ചാര്‍ട്ടേഡ് കമ്പനിയായ ലെജന്‍ഡ് എയര്‍ലൈന്‍സിന്റെ എ340 വിമാനമാണിത്. താരതമ്യേന ചെറുതായ വാട്രി വിമാനത്താവളത്തിലാണ് വിമാനം അടിയന്തരമായി ഇറക്കിയത്.
സംഭവത്തില്‍ വിശദമായ അന്വേഷണം നടന്നുവരികയാണ്. മധ്യ അമേരിക്കയിലെത്തിയ ശേഷം യുഎസിലേക്കോ കാനഡയിലേക്കോ അനധികൃതമായി കടക്കാനായിരുന്നു ഇവരുടെ നീക്കമെന്നാണ് കരുതുന്നത്.
English Summary: Flight carrying 303 Indians intercepted in France; Suspected of human trafficking
You may also like this video
