നേപ്പാളില്‍ വെള്ളപ്പൊക്കത്തിലും മണ്ണിടിച്ചിലിലും രണ്ടു പേർ മരിക്കുകയും 11 പേരെ കാണാതാവുകയും ചെയ്തു. ഇന്ത്യയുടെ അതിർത്തിയായ നേപ്പാളിലെ ദാർചുല ജില്ലയിലെ ബംഗാബാഗഡ് പ്രദേശത്താണ് വെള്ളപ്പൊക്കം രൂക്ഷമായത്. ഇന്നലെ മുതൽ തുടർച്ചയായി പെയ്യുന്ന മഴയിൽ ലസ്കു നദിയിലും മഹാകാളി നദിയിലും വെള്ളപ്പൊക്കമുണ്ടായി.
മണ്ണിടിച്ചിലില്‍പ്പെട്ട കുറച്ചുപേരെ രക്ഷിക്കാനായതായി ഡാർചുല ജില്ലാ പൊലീസ് ഓഫീസ് അറിയിച്ചു. ജില്ലാ ആസ്ഥാനമായ ഖലംഗയിൽ പത്തിലധികം വീടുകൾ വെള്ളപ്പൊക്കത്തിൽ ഒലിച്ചുപോയി. വെള്ളപ്പൊക്കത്തിൽ ഏതാനും വാഹനങ്ങളും ഒലിച്ചുപോയി. അപകടത്തില്‍പ്പെട്ടവര്‍ക്കായുള്ള രക്ഷാപ്രവർത്തനം പുരോഗമിക്കുകയാണ്.
English Summary: Floods: Two dead, 11 missing in Nepal
You may like this video also
