മാടായിപ്പാറയിൽ സഞ്ചാരികൾക്ക് വിരുന്നൊരുക്കി കാക്ക പൂക്കൾ. ഇക്കുറി നേരത്തെ കാക്കാപൂവും തുമ്പയും എള്ളുംപൂവും വിരിഞ്ഞ് നിൽക്കുകയാണ്. സാധാരണ ഓണത്തിനോട് അനുബന്ധിച്ച് ദിവസങ്ങൾക്ക് മുന്നേയായാണ് ഓണപ്പൂക്കൾ യഥേഷ്ട്ടം വിരിയുന്നത്. ഇക്കുറി നേരത്തെയാണ് പൂക്കൾ കാഴ്ചയുടെ വിരുന്നൊരുക്കിയത്. ഇവിടെ അവധി ദിവസങ്ങളിൽ കാക്ക പൂക്കളുടെ നീലവസന്തം കാണാൻ സഞ്ചാരികളുടെ ഒഴുക്കാണ് .കാലംതെറ്റി വിരിഞ്ഞപ്പൂക്കൾ മാടായിപ്പാറയെ നീലപട്ട് ചാർത്തിയ ദൃശ്യം പകർത്താനും മറ്റും പലരും ഇവിടെയെത്തുന്നുണ്ട്.മാടായി പഞ്ചായത്ത് കളിസ്ഥലത്തിനടുത്താണ് കാക്കാപ്പൂ വിരിഞ്ഞത്.വടുകുന്ദ തടാകത്തിന് അടുത്തും മാടായികോളേജിന് അരികിലുമായി തുമ്പപൂക്കളും വിരിഞ്ഞിട്ടുണ്ട്.