താമരക്കുളം ചത്തിയറ വി എച്ച് എസ് എസ് കേന്ദ്രമായുള്ള ചത്തിയറ ഫുട്ബോൾ അക്കാദമിയിൽ സമ്മർ ക്യാമ്പിന് തുടക്കമായി. പോളണ്ടിൽ നിന്നുള്ള എ — ലൈസൻസ് കോച്ച് റാഡിക് റസിന്റെ നേതൃത്വത്തിലാണ് ഫുട്ബോൾ പരിശീലനം ആരംഭിച്ചത്. 6 മുതൽ 18 വരെയുള്ള ആൺകുട്ടികൾക്കും പെൺകുട്ടികൾക്കുമാണ് പരിശീലനം നൽകുന്നത്. മിടുക്കരായ കളിക്കാർക്ക് ഇന്റർനാഷണൽ പ്ലെയർ എക്സ്ചേഞ്ച് പ്രോഗ്രാമിൽ പങ്കെടുക്കുവാനും അവസരം ഉണ്ട്.
സ്കൂൾ മാനേജർ കെ എൻ ഗോപാലകൃഷ്ണൻ ക്യാമ്പ് ഉദ്ഘാടനം ചെയ്തു. അക്കാദമി പ്രസിഡന്റ് കെ എൻ കൃഷ്ണകുമാർ അധ്യക്ഷനായിരുന്നു. സ്കൂൾ പ്രിൻസിപ്പാൾ കെ എൻ അശോക് കുമാർ, അക്കാഡിമി കോച്ച് ഗിരിജ, സെക്രട്ടറി മധു, പാരലിമ്പിക്സ് നാഷണൽ ഫുട്ബോൾ താരം ബാഷ, പൂർവ്വ വിദ്യാർത്ഥി സംഘടന സെക്രട്ടറി എസ്. ജമാൽ തുടങ്ങിയവർ പങ്കെടുത്തു. രജിസ്ടേഷന് കുറച്ചു ദിവസങ്ങൾ കൂടി സൗകര്യമുണ്ടാവുമെന്ന് അക്കാദമി ഭാരവാഹികൾ അറിയിച്ചു. ഫോണ്‍: 6282314227.