കോവിഡില്‍ നിന്ന് മികച്ച പ്രതിരോധം നേടുന്നതിനായി കോവിഡ് വാക്സിനുകളുടെ മിശ്രിതം പരീക്ഷിക്കാനൊരുങ്ങി ഭാരത് ബയോടെക്. കോവിഷീല്‍ഡ്, കോവാക്സിന്‍, മൂക്കിലൂടെ നല്‍കാവുന്ന ബിബിവി154 വാക്സിന്‍ എന്നിവ വ്യത്യസ്തമായ അഞ്ച് അളവുകളില്‍ സംയോജിച്ച് എണ്ണൂറോളം പേരിലാണ് പരീക്ഷണം നടത്തുക.
കോവാക്സിനും സിറം ഇന്‍സ്റ്റിസ്റ്റ്യൂട്ടിന്റെ കോവിഷീല്‍ഡും സംയോജിപ്പിച്ച് കോവിഡ് പ്രതിരോധത്തിനായി ഉപയോഗിച്ചുവരുന്നുണ്ട്. ബിബിവി154 ഭാരത് ബയോടെക് തന്നെ വികസിപ്പിച്ച മൂക്കിലൂടെ നല്‍കാവുന്ന കോവിഡ് വാക്സിനാണ്. പരീക്ഷണം നടന്ന് രണ്ടുമാസത്തിന് ശേഷം സെന്‍ട്രല്‍ ഡ്രഗ്സ് സ്റ്റാന്‍ന്റേഡ് കണ്‍ട്രോള്‍ ഓര്‍ഗനൈസേഷന് പ്രാഥമിക റിപ്പോര്‍ട്ട് സമര്‍പ്പിക്കും. ആറ് മാസമാണ് പരീക്ഷണ കാലാവധി.
english summary;For testing the vaccine mixture
you may also like this video;
