മഹാരാഷ്ട്രയില്‍ റായ്ഗഡ് ജില്ലയിലെ ഹരിഹരശ്വേര്‍ തീരത്ത് യന്ത്രതോക്കുകളുമായി രണ്ട് വിദേശ ബോട്ടുകള്‍ കണ്ടെത്തി. വെടിയുണ്ടകളും സ്ഫോടക വസ്തുക്കളും എകെ 47 തോക്കുകളും റൈഫിളുകളും ബോട്ടിനുള്ളില്‍ നിന്ന് കണ്ടെത്തി. സംഭവത്തിന് പിന്നില്‍ ഭീകരബന്ധമുണ്ടോയെന്ന് അന്വേഷിക്കുമെന്ന് മഹാരാഷ്ട്ര സര്‍ക്കാര്‍ അറിയിച്ചു. മഹാരാഷ്ട്രയിലെ തീരപ്രദേശത്തെ പ്രധാന കേന്ദ്രങ്ങളിലും ജില്ലയിലും അതീവ ജാഗ്രതാ നിര്‍ദ്ദേശം നല്‍കി.
വന്‍ പൊലീസ് ക്യാംപാണ് സ്ഥലത്ത്. ഹരിഹരേശ്വര്‍ ബീച്ചിന് സമീപം ബോട്ടില്‍ നിന്ന് എകെ 47 കണ്ടെത്തിയതായി റായ്ഗഡ് എസ്പി അശോക് ധൂധേ പറഞ്ഞു. ബോട്ടില്‍ ജീവനക്കാര്‍ ആരും ഉണ്ടായിരുന്നില്ല.അന്വേഷണം പുരോഗമിക്കുകയാണ്. തീരദേശത്തുള്ളവരാണ് ബോട്ട് കണ്ടെത്തിയത്.
അതേസമയം ഓസ്‌ട്രേലിയന്‍ നിര്‍മ്മിത ബോട്ടുകളാണെന്നും റിപ്പോര്‍ട്ടുണ്ട്. ബോട്ട് തീരത്ത് അടുപ്പിക്കുന്നതിന് മുന്‍പായി വിവരം കോസ്റ്റ്ഗാര്‍ഡുകളെ അറിയിച്ചിരുന്നില്ലെന്ന് അധികൃതര്‍ പറഞ്ഞു. മുംബൈയില്‍ നിന്ന് 200 കിലോമീറ്റര്‍ ദുരെയാണ് ഹരിഹരേശ്വര്‍ ബീച്ച്.
English Summary:Foreign boats with guns off Maharashtra’s Raigad coast; Warning
You may also like this video
