2023 സാമ്പത്തിക വര്‍ഷം നേരിട്ടുള്ള വിദേശ നിക്ഷേപത്തില്‍ വന്‍ ഇടിവ്. നിക്ഷേപം 21 ശതമാനം എന്ന സര്‍വകാല റെക്കോഡിലേക്ക് ചുരുങ്ങി. ഇതോടെ രാജ്യത്തേക്കുള്ള വിദേശ നിക്ഷേപത്തിന്റെ തോത് 41.31 ദശലക്ഷം ഡോളറിലെത്തിയെന്ന് ബിസിനസ് സ്റ്റാന്‍ഡേര്‍ഡ് റിപ്പോര്‍ട്ടില്‍ പറയുന്നു.
കേന്ദ്ര സര്‍ക്കാര്‍ കണക്കുകള്‍ ഉദ്ധരിച്ചാണ് റിപ്പോര്‍ട്ട് പുറത്ത് വന്നിരിക്കുന്നത്. എന്നാല്‍ വ്യവസായ വാണിജ്യ വകുപ്പ് ഇതുസംബന്ധിച്ച് ഔദ്യോഗിക വിശദീകരണം നല്‍കിയിട്ടില്ല. വികസിത രാജ്യങ്ങളിലെ പണപ്പെരുപ്പം, സാമ്പത്തിക മാന്ദ്യം എന്നിവയാണ് നേരിട്ടുള്ള വിദേശ നിക്ഷേപത്തില്‍ ഭീമമായ കുറവ് വരാന്‍ കാരണമെന്നാണ് വിലയിരുത്തല്‍.
രാജ്യത്തേക്ക് വരുന്നതും പുറത്തേക്ക് പോകുന്നതുമായ വിദേശ നിക്ഷേപത്തിന്റെ തോതിലും ഗണ്യമായ കുറവാണ് രേഖപ്പെടുത്തിയിരിക്കുന്നത്. 2023 ഏപ്രില്‍-നവംബര്‍ മാസത്തെ കണക്കനുസരിച്ച് 1354 കോടി ഡോളര്‍ ഇടിവാണ് ഉണ്ടായിരിക്കുന്നത്.
English Summary: foreign investment collapsed
You may also like this video
You may also like this video
