ജനുവരി നാലിന് മാത്രം വിദേശ നിക്ഷേപകര്‍ ഇന്ത്യന്‍ വിപണിയില്‍ നിന്ന് പിന്‍വലിച്ചത് 2620.80 കോടി. അതേസമയം ആഭ്യന്തര നിക്ഷേപ സ്ഥാപനങ്ങള്‍ (ഡിഐഐ) 773.58 കോടിയുടെ ഓഹരികള്‍ വാങ്ങിയതായും എന്‍എസ്ഇ രേഖകളില്‍ പറയുന്നു.
ജനുവരി നാല് വരെയുള്ള ഒരുമാസ കാലയളവില്‍ വിദേശ നിക്ഷേപകര്‍ 3,461.53 കോടി പിന്‍വലിച്ചു. ആഭ്യന്തര നിക്ഷേപ സ്ഥാപനങ്ങളുടെ വാങ്ങല്‍ 1,867.50 കോടിയായിരുന്നു. ഡിസംബര്‍ മാസത്തില്‍ 14,231.09 കോടിയുടെ ഓഹരികളാണ് വിദേശ നിക്ഷേപകര്‍ വിറ്റഴിച്ചത്. ആഭ്യന്തര നിക്ഷേപ സ്ഥാപനങ്ങള്‍ 24,159.13 കോടിയുടെ ഓഹരികള്‍ വാങ്ങി.
രാജ്യത്തെ ആഭ്യന്തര ഓഹരി സൂചികകളില്‍ കഴിഞ്ഞ ദിവസം കനത്ത തകര്‍ച്ചയാണ് ഉണ്ടായത്. ബിഎസ്‌ഇ സെൻസെക്സ് 636.75 പോയിന്റ് (1.04 ശതമാനം) ഇടിഞ്ഞ് 60,657.45 എന്ന നിലയിലും എൻഎസ്‌ഇ നിഫ്റ്റി 189.60 പോയിന്റ് (1.04 ശതമാനം) ഇടിഞ്ഞ് 18,042.95 എന്ന നിലയിലുമാണ് വ്യാപാരം അവസാനിപ്പിച്ചത്.
English Summary: Foreign investment out
You may also like this video
