സോഷ്യല്‍മീഡിയയിലൂടെ പരിചയപ്പെട്ടവര്‍ക്കൊപ്പം ഇറങ്ങിപ്പോയ പ്രായപൂര്‍ത്തിയാകാത്ത ഇരട്ട പെണ്‍കുട്ടികളെ കമ്പംമെട്ട് പൊലീസ് കണ്ടെത്തി തിരിച്ചെത്തിച്ചു. വീടിന് സമീപത്തെ അംഗനവാടിയില്‍ നടക്കുന്ന ക്ലാസില്‍ പങ്കെടുക്കാനെന്ന വ്യാജേനയാണ് പെണ്‍കുട്ടികള്‍ വീടുവിട്ട് ഇറങ്ങിയത്. തമിഴ്‌നാട് സേലം സ്വദേശികളായ കൗശിക്, മുരളി എന്നിവര്‍ക്കൊപ്പമാണ് പെണ്‍കുട്ടികള്‍ ഇറങ്ങി പോയത്. കമ്പംമെട്ട് വഴി കമ്പത്തിലേയ്ക്കുള്ള യാത്രക്കിടയില്‍ പെണ്‍കുട്ടികളുടെ ബന്ധു ഇവരെ കണ്ടെതിനെ തുടര്‍ന്ന് പെണ്‍കുട്ടികളുടെ വീട്ടിലേയ്ക്ക് വിളിച്ച് അന്വേഷിക്കുകയായിരുന്നു.
തുടര്‍ന്ന് നടത്തി അന്വേഷണത്തില്‍ പെണ്‍കുട്ടികള്‍ അംഗനവാടിയില്‍ എത്തിയില്ലായെന്ന വിവരം അറഞ്ഞിത്. തുടര്‍ന്ന് കമ്പംമെട്ട് പൊലീസിന്റെ സഹായം തേടുകയായിരുന്നു. കമ്പംമെട്ട് സിഐ വി.എസ് അനില്‍കുമാര്‍, എഎസ്‌ഐ സജി, ജോസഫ് തുടങ്ങിയവരുടെ നേത്യത്വത്തില്‍ നടത്തിയ അന്വേഷണത്തിലാണ് പെണ്‍കുട്ടികളെയും ആണ്‍കുട്ടുകാരേയും കണ്ടെത്തുന്നത്. പെണ്‍കുട്ടികളെ മെഡിക്കല്‍ പരിശോധന നടത്തുവാന്‍ അയച്ചു.
English Summary:Found twin girls who went with an acquaintance through social media
You may also like this video
