ഇന്ത്യൻ അസോസിയേഷൻ ഷാർജയുടെ സ്ഥാപക പ്രസിഡന്റ് ആയിരുന്ന വക്കയിൽ ദാമോദരൻ (89) അന്തരിച്ചു. ഇന്നലെ രാത്രി എറണാകുളം അമൃത ഹോസ്പിറ്റലിൽ വച്ചാണ് അന്ത്യം. വാർദ്ധക്യ സഹജമായ അസുഖംമൂലം ചികിത്സയിലായിരുന്നു അദ്ദേഹം. പാലക്കാട്‌ ജില്ലയിൽ പട്ടാമ്പി സ്വദേശിയാണ് ദാമോദരന്‍.
ഷാർജ ഇന്ത്യൻ അസോസിയേഷനുവേണ്ടി മുൻ പ്രസിഡന്റുമാരായ വി സലിം, സലിം പൊന്നമ്പത്ത്, IAS മെമ്പർമാരായ സുഭാഷ്, ഹസ്സൈനാർ എന്നിവര്‍ മൃതദേഹം വിട്ടുകൊടുക്കുന്ന നടപടിക്രമങ്ങള്‍ക്ക് നേതൃത്വം നല്‍കിയതായി പ്രസിഡന്റ് അഡ്വ. വൈ എ. റഹിം അറിയിച്ചു. സംസ്കാര ചടങ്ങ് ഇല്ലാത്തതിനാൽ മൃതദേഹം കൈമാറ്റം മാത്രമാണ് ഉണ്ടാകുന്നത്.
മൃതദേഹം അദ്ദേഹത്തിന്റെ മരണപത്രപ്രകാരം അമൃത ഇൻസ്റ്റിറ്റ്യൂട്ട് ഓഫ് മെഡിക്കൽ സയൻസിൽ വിദ്യാർത്ഥികൾക്ക് പഠിക്കാനായി വിട്ടു കൊടുക്കും. തങ്കം ദാമോദരനാണ് ഭാര്യ. മകൻ സുമോദ് ദാമോദരൻ ICCI സെക്രട്ടറി ജനറൽ ആയി സിംബാവയിലാണ്.
English Summary: Founder President of Indian Association Sharjah V Damodaran passed away
You may also like this video
