ഹൂസ്റ്റണില്‍ ഹെലികോപ്റ്റര്‍ റേഡിയോ ടവറിലിടച്ച് തീപിടിച്ച് നാല് പേര്‍ മരിച്ചു. തിങ്കളാഴ്ച്ച ഹൂസ്റ്റണിലെ സെക്കൻഡ് വാർഡിലായിരുന്നു അപകടം. മരിച്ചവരിൽ ഒരു കുട്ടിയും ഉൾപ്പെട്ടിട്ടുണ്ട്.ആർ44 എന്ന എയർക്രാഫ്റ്റാണ് അപകടത്തിൽപെട്ടത്.
എല്ലിങ്ടൻ ഫീൽഡിൽ നിന്നും പറന്നുയർന്ന ഹെലികോപ്റ്റർ ആണ് അപകടത്തിൽപെട്ടത്. എന്നാൽ ഇത് എവിടേക്ക് പോകുകയായിരുന്നത് സംബന്ധിച്ച വിവരങ്ങൾ ഇനിയും കണ്ടെത്താനുണ്ട്.അപകടത്തിൽ മരിച്ചവർ ആരൊക്കെയെന്നതിൽ ഇതുവരെ ഒരു സ്ഥിരീകരണം വന്നിട്ടില്ല.ഹെലികോപറ്ററിൽ ആകെ എത്ര യാത്രക്കാർ ഉണ്ടായിരുന്നു, ആർക്കെങ്കിലും പരിക്കുണ്ടോ എന്ന കാര്യങ്ങളിൽ ഇനിയും വ്യക്തത വരാനുണ്ട്. അപകടകാരണവും ഇനിയും കണ്ടെത്താൻ കഴിഞ്ഞിട്ടില്ല.
Four dead after helicopter crashes into radio tower in Houston