പെരുമ്പാവൂരിൽ മാലിന്യ കുഴിയിൽ വീണ് നാല് വയസുകാരിക്ക് ദാരുണാന്ത്യം. കുറ്റിപ്പാടം സ്വദേശി ശിഹാബിന്റെ ഉടമസ്ഥതയിലുള്ള പ്ലൈവുഡ് കമ്പനിയുടെ വേസ്റ്റ് കുഴിയിൽ വീണാണ് കുട്ടി മരിച്ചത്. വെസ്റ്റ് ബംഗാൾ സ്വദേശി ഹുനൂബയുടെ നാലു വയസ്സുള്ള മകൾ അസ്മിനിയാണ് മരിച്ചത്. ഇന്ന് രാവിലെ 9 മണിയോടെയായിരുന്നു സംഭവം.
കുട്ടിയുടെ അമ്മ ഹുനൂബ ജോലി ഈ കമ്പനിയിലാണ് ജോലി ചെയ്യുന്നത്. മൃതദേഹം പെരുമ്പാവൂർ താലൂക്ക് ആശുപത്രി മോർച്ചറിയിലേക്ക് മാറ്റി.അതേസമയം കുട്ടി മരിച്ച സംഭവത്തില്‍ പഞ്ചായത്ത് നടപടിയെടുത്തു. അപകടകരമായ കുഴി മൂടാതിരുന്ന നോപ്ലൈവുഡ് കമ്പനി അടച്ചു പൂട്ടാന്‍ വെങ്ങോല പഞ്ചായത്ത് നിര്‍ദ്ദേശം നല്‍കി. പഴയ കിണറാണ് കമ്പിനി മാലിന്യക്കുഴിയായി ഉപയോഗിച്ചിരുന്നത്.