ഉംറക്ക് പോകാൻ അറബിയിൽ നിന്ന് പണം വാങ്ങി തരാമെന്ന് പറഞ്ഞ് തട്ടിപ്പ്; മഞ്ചേരിയിൽ ഒരാൾ അറസ്റ്റിൽ

ഉംറക്ക് പോവാനായി അറബിയിൽ നിന്ന് പണം വാങ്ങിത്തരാമെന്ന് വിശ്വസിപ്പിച്ച് വീട്ടമ്മയുടെ സ്വർണം കൈക്കലാക്കിയ സംഭവത്തിൽ ഒരാൾ അറസ്റ്റിൽ. ഊർങ്ങാട്ടിരി തച്ചണ്ണ സ്വദേശി അസൈനാർ(66) ആണ് മഞ്ചേരി പൊലീസിൻ്റെ പിടിയിലായത്. പുത്തൂർ പള്ളി സ്വദേശിനിയായ സ്ത്രീയാണ് തട്ടിപ്പിന് ഇരയായത്. ഉംറ യാത്രക്ക് അറബി സഹായിക്കുമെന്ന് പറഞ്ഞ് വിശ്വസിപ്പിച്ച് ഇയാൾ വീട്ടമ്മയുടെ സ്വർണം കൈക്കലാക്കുകയായിരുന്നു. പ്രതിക്കെതിരെ സമാനമായ നിരവധി തട്ടിപ്പ് കേസുകൾ ഉണ്ടെന്ന് പൊലീസ് അറിയിച്ചു.