മധ്യപ്രദേശില്‍ രണ്ട് ചരക്കുതീവണ്ടികള്‍ കൂട്ടിയിടിച്ച് തീപിടിച്ചു. അപകടത്തില്‍ ലോക്കോ പൈലറ്റ് മരിച്ചു, അഞ്ച് പേര്‍ക്ക് പരിക്കേല്‍ക്കുകയും ചെയ്തു. ലോക്കോ പൈലറ്റ് രാജേഷ് പ്രസാദ് ആണ് മരിച്ചത്. ബിഹാർ മുസാഫർപൂർ സ്വദേശിയാണ്. ഇന്ന് രാവിലെ 6.30ഓടെ സിംഗ്പൂര്‍ റെയില്‍വേ സ്റ്റേഷനിലാണ് സംഭവം. കല്‍ക്കരിയുമായി ബിലാസ്പൂരില്‍ നിന്ന് വന്ന ചരക്കുതീവണ്ടി മറ്റൊരു ചരക്കുതീവണ്ടിയുമായി കൂട്ടിയിടിക്കുകയായിരുന്നു. നിര്‍ത്തിയിട്ടിരുന്ന ചരക്കുതീവണ്ടുടെ പുറകിലാണ് ഇടിച്ചത്. ഇതിനുള്ളിലും കല്‍ക്കരി നിറച്ചിരുന്നു. അതേസമയം കട്നിയിലേക്ക് പോകുകയായിരുന്നു ഇടിച്ച തീവണ്ടി.
English Summary:Freight trains collide in Madhya Pradesh; Loco pilot killed, five injured
You may also like this video
