മധ്യപ്രദേശിലെ ടികംഗഡില്‍ നിർമ്മാണത്തിലിരിക്കുന്ന കെട്ടിടത്തിൽ യുവതി കൂട്ടബലാത്സംഗത്തിനിരയായി. 23 കാരിയെ പ്രായപൂര്‍ത്തിയാകാത്ത ആണ്‍കുട്ടി ഉള്‍പ്പെടെ ആറുപേര്‍ ചേര്‍ന്ന് ക്രൂരമായ ബലാത്സംഗത്തിനിരയാക്കിയതാിയ പൊലീസ് അറിയിച്ചു. യുവതി നൽകിയ പരാതിയുടെ അടിസ്ഥാനത്തിൽ അഞ്ചുപേരെ പൊലീസ് അറസ്റ്റ് ചെയ്യുകയും 16 വയസ്സുള്ള ആൺകുട്ടിയെ കസ്റ്റഡിയിലെടുക്കുകയും ചെയ്തതായി കോട്വാലി പൊലീസ് സ്റ്റേഷനിലെ ഇൻസ്പെക്ടർ രഘുരാജ് സിംഗ് പറഞ്ഞു. വ്യാഴാഴ്ച രാത്രിയാണ് പ്രതികൾ മാറിമാറിയാണ് തന്നെ നിർമാണത്തിലിരിക്കുന്ന കെട്ടിടത്തിൽ വച്ച് ബലാത്സംഗം ചെയ്തതെന്ന് യുവതി പരാതിയില്‍ പറയുന്നു. ഇന്ന് രാവിലെ യുവതി നൽകിയ പരാതിയെ തുടർന്നാണ് പ്രതികളെ വിവിധ സ്ഥലങ്ങളിൽ നിന്ന് പിടികൂടിയതെന്നും അദ്ദേഹം പറഞ്ഞു. കൂലിപ്പണി നൽകാമെന്ന് വാഗ്ദാനം ചെയ്താണ് ഇയാൾ യുവതിയെ വിളിച്ചുവരുത്തിയത്. മറ്റ് പ്രതികളെല്ലാം തൊഴിലാളികളായിരുന്നു. സംഭവ സമയത്ത് പ്രതികള്‍ മദ്യപിച്ചിരുന്നുവെന്നും പരാതിയില്‍ പറയുന്നു. ഇന്ത്യൻ ശിക്ഷാ നിയമത്തിലെ പ്രസക്തമായ വകുപ്പുകൾ പ്രകാരം പ്രതികള്‍ക്കെതിരെ കേസെടുത്തിട്ടുണ്ടെന്നും ഉദ്യോഗസ്ഥർ പറഞ്ഞു.
English Summary: Gang gang rape called for wage labor: 6 arrested including 16-year-old
You may also like this video
