നിരവധി പുരുഷന്മാരെ വിവാഹം കഴിച്ച് അവരില്‍ നിന്നും പണം തട്ടിയെടുത്ത കേസില്‍ യുവതി അറസ്റ്റില്‍. ഉത്തരാഖണ്ഡ് സ്വദേശിനിയായ സീമ എന്ന നിക്കി ആണ് 1.25 കോടി രൂപയോളം തട്ടിയ പൊലീസിന്റെ പിടിയിലായത്. 2013 ല്‍ ആഗ്രയില്‍ നിന്നുള്ള ഒരു ബിസിനസുകാരനെയാണ് സീമ ആദ്യമായി വിവാഹം ചെയ്തത്.
തുടര്‍ന്ന് വിവാഹത്തട്ടിപ്പ് ആരംഭിച്ചത്. മാട്രിമോണിയല്‍ സൈറ്റുകള്‍ വഴിയാണ് സീമ വരന്മാരെ പരിചയപ്പെടുന്നത്. വിവാഹമോചിതരായ അല്ലെങ്കില്‍ ഭാര്യ നഷ്ടപ്പെട്ട പുരുഷന്മാരെയാണ് സീമ ലക്ഷ്യമിട്ടിരുന്നത്. 10 വര്‍ഷത്തിനിടയില്‍ 1.25 കോടി രൂപയാണ് ഇവര്‍ ഇത്തരത്തില്‍ തട്ടിയെടുത്തത്. വിവാഹം കഴിച്ച് ഒത്തുതീര്‍പ്പിന്റെ പേരിലാണ് അവരില്‍ നിന്ന് 1.25 കോടി രൂപ തട്ടിയെടുത്തത്. ആദ്യ വിവാഹത്തിന് ശേഷം സീമ ആ ബിസിനസുകാരന്റെ കുടുംബത്തിനെതിരെ കേസ് കൊടുത്തു. തുടര്‍ന്ന് ഒത്തുതീര്‍പ്പായി 75 ലക്ഷം രൂപ കൈപ്പറ്റി.
2017ല്‍ ഗുരുഗ്രാമില്‍ നിന്നുള്ള ഒരു സോഫ്‌റ്റ്വെയര്‍ എന്‍ജിനീയറെയാണ് സീമ രണ്ടാമത് വിവാഹം ചെയ്തത്. ആ യുവാവുമായി വേര്‍പിരിഞ്ഞ ശേഷം സെറ്റില്‍മെന്റിന്റെ പേരില്‍ 10 ലക്ഷം രൂപ കൈപ്പറ്റി. മൂന്നാമതായി 2023 ല്‍ ജയ്പൂര്‍ ആസ്ഥാനമായുള്ള ഒരു ബിസിനസുകാരനെയാണ് വിവാഹം കഴിച്ചത്.
36 ലക്ഷം വിലമതിക്കുന്ന ആഭരണങ്ങളും പണവുമായി വീട്ടില്‍ നിന്ന് സീമ ഒളിച്ചോടിയത്. കുടുംബം കേസ് കൊടുത്തതിനെ തുടര്‍ന്ന് നടത്തിയ അന്വേഷണത്തിലാണ് യുവതി പിടിയിലായത്.