മുതിര്‍ന്ന കോണ്‍ഗ്രസ് നേതാവ് ജയ്റാം രമേശിനെതിരെ രൂക്ഷ വിമര്‍ശനവുമായി കോണ്‍ഗ്രസില്‍നിന്ന് രാജിവെച്ച ഗുലാം നബി ആസാദ്. ജയറാം രമേശ് പാര്‍ട്ടിയില്‍ ആരുമല്ലെന്നും ‘കഥകള്‍ നട്ടുപിടിപ്പിക്കുക’ മാത്രമാണ് അദ്ദേഹത്തിന്റെ ജോലിയെന്നും ആസാദ് എന്‍ഡിടിവിക്ക് നല്‍കിയ അഭിമുഖത്തില്‍ ആരോപിച്ചു.
അദ്ദേഹം ട്വീറ്റ് ചെയ്യുന്നതില്‍ മാത്രം സമര്‍ത്ഥനാണ്. ലാപ്ടോപ്പുമായിട്ടാണ് ഉറക്കം.
അദ്ദേഹത്തിന്റെ കോണ്‍ഗ്രസ് പാര്‍ട്ടിയിലെ ബയോഡാറ്റ ആര്‍ക്കുമറിയില്ല. വിദ്യാര്‍ത്ഥിസംഘടനയിലോ യൂത്ത് കോണ്‍ഗ്രസിലോ കോണ്‍ഗ്രസ് ബ്ലോക്ക് കമ്മിറ്റിയിലോ ജില്ലാ കമ്മിറ്റിയിലോ സംസ്ഥാന കമ്മിറ്റിയിലോ ഉണ്ടായിരുന്നില്ല. പിന്നീട് അദ്ദേഹം എംപിയാകുന്നതും കാബിനറ്റ് മന്ത്രിയാകുന്നതുമാണ് തങ്ങള്‍ കണ്ടതെന്നും ആസാദ് ആരോപിച്ചു. അതേസമയം വിവേചനരഹിതമായി അഭിമുഖങ്ങള്‍ നല്‍കുന്നതിലൂടെ ആസാദ് സ്വയം ചെറുതാവുകയാണെന്ന് ജയ്റാം രമേശ് പ്രതികരിച്ചു.
English Summary:Ghulam Nabi againt Jairam Ramesh
You may also like this video
