കഴിഞ്ഞ ആഴ്ച ലോകത്ത് കോവിഡ് മരണം 21 ശതമാനം കുറഞ്ഞതായി ലോകാരോഗ്യ സംഘടന. അതേസമയം കോവിഡ് കേസുകള്‍ വര്‍ധിക്കുന്നതായും ലോകാരോഗ്യ സംഘടന പുറത്തുവിട്ട പ്രതിവാര മഹാമാരി റിപ്പോര്‍ട്ടില്‍ പറയുന്നു.
മാര്‍ച്ചിന് ശേഷം കഴിഞ്ഞ ആഴ്ചയിലാണ് കോവിഡ് കേസില്‍ വര്‍ധനവുണ്ടായത്. 35 ലക്ഷം പുതിയ കോവിഡ് കേസുകളാണ് കഴിഞ്ഞ ആഴ്ച റിപ്പോര്‍ട്ട് ചെയ്തത്. ഇത് തൊട്ടുമുമ്പത്തെ ആഴ്ചത്തേക്കാള്‍ ഒരു ശതമാനം കൂടുതലാണ്.
അമേരിക്ക, പശ്ചിമേഷ്യ, ആഫ്രിക്ക, പടിഞ്ഞാറന്‍ പസഫിക് എന്നിവിടങ്ങളില്‍ കോവിഡ് കേസ് ഉയരുകയും ദക്ഷിണേഷ്യയിലും യൂറോപ്പിലും കുറയുകയുമാണ് ചെയ്തത്.
ഔദ്യോഗികമായി വിവരങ്ങള്‍ ലഭിക്കാത്തതിനെ തുടര്‍ന്ന് ഉത്തരകൊറിയയിലെ കോവിഡ് കണക്കുകകള്‍ ലോകാരോഗ്യ സംഘടനയില്‍ ചേര്‍ത്തിട്ടില്ല.
English summary;Global covid mortality is low
You may also like this video;
