സ്വര്‍ണവില റെക്കോഡില്‍

സംസ്ഥാനത്ത് സ്വര്‍ണവില റെക്കോഡില്‍ എക്കാലത്തെയും ഉയരത്തിലെത്തി. പവന് 200 രൂപ വര്‍ദ്ധിച്ച് പവന്‍വില 43,040 രൂപയായി. ഗ്രാമിന് വില 25 രൂപ ഉയര്‍ന്ന് 5,380 രൂപ രേഖപ്പെടുത്തി. പവന്‍വില 43,000 രൂപയെന്ന നാഴികക്കല്ല് കടക്കുന്നത് ചരിത്രത്തില്‍ ആദ്യമായാണ്.

കഴിഞ്ഞ ഫെബ്രുവരി രണ്ടിന് രേഖപ്പെടുത്തിയ 42,880 രൂപയായിരുന്നു ഇതിന് മുമ്പത്തെ റെക്കോഡ്. അന്ന് ഗ്രാംവില 5360 രൂപയായിരുന്നു. ഈമാസം ഒമ്പതിന് പവന് വില 40,720 രൂപയായിരുന്നു. ഗ്രാമിന് 5090 രൂപയും. തുടര്‍ന്ന് ഇതുവരെ പവന് കൂടിയത് 2320 രൂപയാണ്. ഗ്രാമിന് 290 രൂപയും ഉയര്‍ന്നു.