സംസ്ഥാനത്ത് സ്വർണവിലയിൽ വീണ്ടും വർധനവ് രേഖപ്പെടുത്തി. ഒരിടവേളയ്ക്ക് ശേഷം ഇന്ന് ഒറ്റയടിക്ക് 1800 രൂപയാണ് സ്വർണവിലയിൽ വർധനവുണ്ടായത്. ഇതോടെ ഇന്നലെ 90,000ന് മുകളിൽ എത്തിയ സ്വർണവില ഇപ്പോൾ 92,000 കടന്നിരിക്കുന്നു. ഇന്ന് ഒരു പവൻ സ്വർണത്തിൻ്റെ വില 92,600 രൂപയാണ്. ഒരു ഗ്രാമിന് ആനുപാതികമായി 225 രൂപയാണ് വർധിച്ചത്. ഒരു ഗ്രാം സ്വർണത്തിൻ്റെ വില 11,575 രൂപയാണ്. നവംബർ ആദ്യം 90,000 കടന്നിരുന്ന സ്വർണവില ക്രമേണ 89,000ലേക്ക് താഴുകയും പിന്നീട് കഴിഞ്ഞ ദിവസങ്ങളിലായി കത്തിക്കയറുകയും ചെയ്യുകയായിരുന്നു. ഒക്ടോബർ 17ന് രേഖപ്പെടുത്തിയ 97,360 രൂപയുടെ റെക്കോർഡ് വിലയ്ക്ക് ശേഷം ഏകദേശം 9000 രൂപ വരെ കുറഞ്ഞിരുന്നു.
കത്തിക്കയറി സ്വർണവില; പവന് 92,000 കടന്നു
