സംസ്ഥാനത്ത് സ്വർണവിലയിൽ റെക്കോഡ് വര്ധനവ്. പവന്റെ വില 75,040 രൂപയിലെത്തി. പവന്റെ വിലയിൽ 760 രൂപയുടെ വർധനവാണ് ഉണ്ടായത്. ഗ്രാമിന്റെ വില 85 രൂപയായി. 9380 രൂപയായാണ് ഒരു ഗ്രാം സ്വർണത്തിന്റെ വില ഉയർന്നത്. അതേസമയം, അന്താരാഷ്ട്ര വിപണിയിൽ സ്വർണവിലയിൽ ഇടിവുണ്ടായി. യുഎസ്-ജപ്പാൻ വ്യാപാര കരാർ യാഥാർഥ്യമായതാണ് വില കുറയുന്നതിനുള്ള പ്രധാനകാരണം. ഡോളർ ദുർബലമാവുന്നതും യുഎസിലെ ട്രഷറി വരുമാനവും വരും ദിവസങ്ങളിൽ സ്വർണവിലയെ സ്വധീനിക്കും. സ്പോട്ട് ഗോൾഡിന്റെ വിലയിൽ 0.2 ശതമാനം ഇടിഞ്ഞ് ഓൺസിന് 3,423 ഡോളറായാണ് വില കുറഞ്ഞത്.
റെക്കോഡ് ഉയരത്തിൽ സ്വര്ണവില
