സ്വർണവില വീണ്ടും കുറഞ്ഞു

സംസ്ഥാനത്ത് വീണ്ടും സ്വർണവില കുറഞ്ഞു. ഗ്രാമിന് 90 രൂപയുടെ ഇടിവാണ് ഇന്ന് വൈകുന്നേരം ഉണ്ടായത്. പവന്റെ വിലയിൽ 720 രൂപയുടെ കുറഞ്ഞു. 1,18,160 രൂപയായാണ് പവന്റെ വില കുറഞ്ഞത്. ഗ്രാമിന്റെ വിലയിൽ 90 രൂപ കുറഞ്ഞ് 14,770 രൂപയും ഇടിഞ്ഞു. 18 കാരറ്റ് സ്വർണത്തിന്റെ വില 75 രൂപ കുറഞ്ഞ് ഗ്രാമിന് 12,135 രൂപയായി. 14 കാരറ്റിന്റെ വില 55 രൂപ കുറഞ്ഞ് 9,450 രൂപയായി കുറയുകയായിരുന്നു.

അതേസമയം, ആഗോളവിപണിയിൽ ഇന്ന് സ്വർണത്തിന് വില വർധനവുണ്ടായി. സ്​പോട്ട് ഗോൾഡിന്റെ വില 0.3 ശതമാനം ഉയർന്ന് ഔൺസിന് 5,093 ഡോളറായി. ഈ ആഴ്ച മാത്രം സ്വർണത്തിന് ആഗോള വിപണിയിൽ മൂന്ന് ശതമാനത്തിന്റെ നഷ്ടം രേഖപ്പെടുത്തി. യുഎസ് ഗോൾഡ് ഫ്യൂച്ചർ നിരക്ക് 0.5 ശതമാനം ഉയർന്ന് 5,102.10 ഡോളറായി. ഇന്ന് രാവിലെ ഗ്രാമിന് 70 രൂപയും പവന് 560 രൂപയുമാണ് കുറഞ്ഞിരുന്നു. ഇതോടെ ഗ്രാമിന് 14,860 രൂപയും പവന് 1,18,880 രൂപയുമായി.