സ്വർണക്കടത്ത് കേസിൽ നൽകിയ രഹസ്യമൊഴിയുടെ അടിസ്ഥാനത്തിൽ പ്രതി സ്വപ്നയെ എൻഫോഴ്സ്മെന്റ് ഡയറക്ടറേറ്റ് വീണ്ടും ചോദ്യം ചെയ്യും. ഈ മാസം 22 ന് കൊച്ചി ഇഡി ഓഫീസിൽ ചോദ്യം ചെയ്യലിന് ഹാജരാകാൻ ആവശ്യപ്പെട്ട് സ്വപ്നക്ക് നോട്ടീസ് നൽകി.
സ്വപ്ന സുരേഷ്, കോടതിക്ക് നൽകിയ 27 പേജുള്ള രഹസ്യമൊഴി ഇഡി മജിസ്ട്രേറ്റ് കോടതിയിൽ നിന്നും വാങ്ങിയിരുന്നു. മൊഴി പരിശോധിച്ച ഇഡി മേധാവി അന്വേഷണവുമായി മുന്നോട്ടുപോകാൻ കൊച്ചി യൂണിറ്റിന് നിർദേശം നൽകിയതായാണ് വിവരം.
ആദ്യഘട്ടമായി സ്വപ്നയെ വിളിച്ചുവരുത്തും. കള്ളപ്പണ കേസിൽ ഇഡി ചോദ്യം ചെയ്തപ്പോൾ വെളിപ്പെടുത്താത്ത പുതിയ വിവരങ്ങൾ ഇപ്പോൾ നൽകിയ 164 സ്റ്റേറ്റ്മെന്റിൽ ഉണ്ടോ എന്നാകും ഇഡി പരിശോധിക്കുക. 164 മൊഴിയിലെ വിവരങ്ങൾക്ക് അനുസൃതമായ തെളിവുകൾ കൈമാറുന്ന മുറയ്ക്ക് അന്വേഷണം വ്യാപിപ്പിക്കുമെന്ന് ഇഡി അധികൃതർ വ്യക്തമാക്കി.
English summary;Gold smuggling case; The swapna will be questioned again by ED
You may also like this video;
