കൊച്ചി അന്താരാഷ്ട്ര വിമാനത്താവളം വഴി അനധികൃതമായി കടത്തുവാൻ ശ്രമിച്ച 43 ലക്ഷം രൂപയുടെ സ്വർണ്ണ മിശ്രിതം എയർ കസ്റ്റംസ് ഇന്റലിജൻസ് വിഭാഗം പിടികൂടി.852.46 ഗ്രാം സ്വർണ്ണമാണ് കസ്റ്റംസ് പരിശോധന നടത്തുന്നതിനിടെ വിദേശത്ത് നിന്നും എത്തിയ യാത്രക്കാരനിൽ നിന്നും പിടികൂടിയത്.
ഷാർജയിൽ നിന്നും ഇന്നലെ പുലർച്ചെ കൊച്ചി അന്താരാഷ്ട്ര വിമാനത്താവളത്തിൽ എത്തിയ എയർ ഇന്ത്യ എക്സ്പ്രസ് വിമാനത്തിലെ യാത്രക്കാരനായ മലപ്പുറം സ്വദേശി നിസാറിൽ നിന്നാണ് സ്വർണ്ണം പിടികൂടിയത്.സ്വർണ്ണമിശ്രിതം പ്രത്യേക കവറുകളിലാക്കി മലദ്വാരത്തിൽ ഒളിപ്പിച്ചാണ് കൊണ്ടുവന്നത്.ഇയാളെ കസ്റ്റംസ് ഉദ്യോഗസ്ഥൻമാർ കസ്റ്റഡിയിലെടുത്ത് വിശദമായി ചോദ്യം ചെയ്തു വരുന്നു.
English Summary:Gold worth Rs 43 lakh seized in Nedumbassery
You may also like this video
