ഗൂഗിൾ മാപ്പ് നോക്കി യാത്ര തുടര്‍ന്ന കണ്ടെയിനർ ലോറി വെങ്ങര ചെമ്പല്ലികുണ്ട് റോഡിൽ കുടുങ്ങി. ശനിയാഴ്ച്ച രാവിലെ അപകടകരമായ രീതിയിൽ പോവുകയായിരുന്ന ലോറിയെ നാട്ടുകാർ തടയുകയായിരുന്നു. ഹരിയാനയിൽ നിന്ന് ചോക്ലേറ്റുമായി കൊച്ചിയിൽ ലോഡ് ഇറക്കി ഗോവയിലേക്ക് പോകാനാണ് ഗൂഗിൾ മാപ്പ് സെറ്റ് ചെയ്ത് യാത്ര തുടങ്ങിയത്.
പാപ്പിനിശ്ശേരി പിലാത്തറ വഴി വന്നതിന് ശേഷം നേരെ മാടായിപ്പാറ വഴി വെങ്ങര മൂക്കിലൂടെ ചെമ്പല്ലി കുണ്ട് റോഡിലേക്ക കയറുകയായിരുന്നു.ലോറിയുടെ വലുപ്പം കാരണം സാധാരണ റോഡിന്റെ ഇരുവശങ്ങളിലേയും വൈദ്യുതി കമ്പികൾ ഉൾപ്പടെ തകർത്ത് മുന്നോട്ട് പോയ ലോറിയെ നാട്ടുകാർ തടഞ്ഞുവെച്ചു. വൈകീട്ടോടെ ഹനുമാരംമ്പലം വഴി പ്രധാന റോഡിലേക്ക് ലോറി യാത്ര തിരിച്ചുവിട്ടു.