സർക്കാർ ജീവനക്കാരും അധ്യാപകരും ജുലൈ ഒമ്പതിന് പണിമുടക്കും

സ്റ്റാറ്റ്യൂട്ടറി പെൻഷൻ പുനഃസ്ഥാപിക്കുക. ക്ഷാമബത്ത കുടിശിക അനുവദിക്കുക, സിവിൽ സർവീസ് സംരക്ഷിക്കുക, കേന്ദ്ര‑സംസ്ഥാന സർവീസുകളിൽ ഒഴിഞ്ഞുകിടക്കുന്ന 38 ലക്ഷത്തിലധികം തസ്തികകളിൽ നിയമനം നടത്തുക, 16ാം ധനകാര്യ കമ്മീഷൻ ശുപാർശകൾ സംസ്ഥാനങ്ങളോട് നീതിപുലർത്തുന്നതാണെന്ന് ഉറപ്പാക്കുക, പൊതുവിതരണ സംവിധാനം ശക്തിപ്പെടുത്തുക, തൊഴിൽ നിയമങ്ങൾ സംരക്ഷിക്കുക, ഭരണഘടനാ സ്ഥാപനങ്ങളെ ദുർബലപ്പെടുത്തുന്ന നടപടികൾ അവസാനിപ്പിക്കുക എന്നീ ആവശ്യങ്ങൾ ഉന്നയിച്ച് ഇന്ത്യയിലെ എല്ലാ സംസ്ഥാനങ്ങളിലെയും സർക്കാർ ജീവനക്കാരും അധ്യാപകരും ജൂലൈ ഒമ്പതിന് പണിമുടക്കുമെന്ന് ആൾ ഇന്ത്യ സ്റ്റേറ്റ് ഗവൺമെന്റ് എംപ്ലോയീസ് കോൺഫെഡറേഷൻ ജനറൽ സെക്രട്ടറി സി ആർ ജോസ് പ്രകാശ് അറിയിച്ചു. പണിമുടക്കുന്ന ജീവനക്കാർ രാജ്യവ്യാപകമായി അന്ന് സംസ്ഥാന, ജില്ലാ കേന്ദ്രങ്ങളിൽ പ്രകടനവും ധർണയും നടത്തും.