കോവിഡിനെത്തുടര്‍ന്ന് തകര്‍ന്ന വ്യാപാരമേഖലയ്ക്ക് ആശ്വാസമായി സര്‍ക്കാര്‍ ഉത്തരവ് പുറത്തിറങ്ങി. കോവിഡ് പ്രതിസന്ധിക്കിടയിലും കടമുറിയുടെ വാടക ഈടാക്കിയിരുന്ന സ്ഥാപന ഉടമകളുടെ നടപടി തുടര്‍ന്നതിനു പിന്നാലെയാണ് സര്‍ക്കാര്‍ ഉത്തരവിറക്കിയത്.
സര്‍ക്കാര്‍ സ്ഥാപനങ്ങളുടേയും തദ്ദേശസ്ഥാപനങ്ങളുടേയും ഉടമസ്ഥതയിലുള്ള കടമുറികളുടെ വാടക ജൂലൈ മുതല്‍ ഡിസംബര്‍ വരെ ഒഴിവാക്കി കൊണ്ട് സര്‍ക്കാര്‍ ഇന്നലെ ഉത്തരവിറക്കി. ഉത്തരവ് പുറത്തിറങ്ങിയിട്ടില്ലെന്ന കാരണത്താല്‍ പല തദ്ദേശസ്ഥാപനങ്ങളും കുടിശികയുള്‍പ്പെടെ വാടക പിരിക്കുന്നതിന് നോട്ടീസ് പുറത്തിറക്കിയിരുന്നു. ഇതു സംബന്ധിച്ച്‌ വ്യാപാരസംഘടനകള്‍ പരാതിപ്പെട്ട സാഹചര്യത്തിലാണ് ഇന്നലെ സര്‍ക്കാര്‍ ഉത്തരവ് പുറത്തിറക്കിയത്.
english summary;government issued order waiving the rent of the rooms from July to December
you may also like this video;
