പാലക്കാട്, കാസർകോഡ് ജില്ലകളിലെ ചില പ്രദേശങ്ങളെ അമിത, ഗുരുതര ജലചൂഷിത മേഖലകളായി പ്രഖ്യാപിച്ച് വിജ്ഞാപനമിറങ്ങി. പാലക്കാട് ചിറ്റൂർ ബ്ലോക്കിലെ എലപ്പുള്ളി, പൊൽപ്പുള്ളി, എരുത്തേമ്പതി കൊഴിഞ്ഞാമ്പാറ, നല്ലേപ്പിള്ളി, പെരുമാട്ടി, വടകരപ്പതി ചിറ്റൂർതത്തമംഗലം മുനിസിപ്പാലിറ്റി എന്നിവ അമിത ജലചൂഷിത മേഖലയായി പ്രഖ്യാപിച്ചു. മലമ്പുഴ ബ്ലോക്കിൽ മലമ്പുഴ, അകത്തേത്തറ, പുതുപ്പരിയാരം, മരുതറോഡ്, പുതുശ്ശേരി, കൊടുമ്പ് എന്നിവ ഗുരുതര മേഖലയായും പ്രഖ്യാപിച്ചു.
സംസ്ഥാനത്ത് ഭൂജലവികസനം ക്രമീകരിക്കുന്നതിനും നിയന്ത്രിക്കുന്നതിനുമായി പൊതുതാൽപര്യം മുൻനിർത്തി ‘കേരള ഭൂജല നിയന്ത്രണ ക്രമീകരണ ആക്ട് 2002’ നിലവിലുണ്ട്. ഭൂജലം (നിയന്ത്രണവും ക്രമീകരണവും) ആക്ട് പ്രകാരം കൂടുതൽ പ്രദേശങ്ങളെ ഉൾപ്പെടുത്തിയുള്ള വിജ്ഞാപനമാണിറങ്ങിയത്. കാസർകോട് ജില്ലയിൽ ബദിയഡുക്ക, ചെമ്മനാട്, ചെങ്കള, കുമ്പള്ള, മധൂർ, മൊഗ്രാൽപുത്തൂർ, കാസർകോട് മുനിസിപ്പാലിറ്റി എന്നിവഗുരുതര ചൂഷിത മേഖലയാണ്.
പുതുതായി വിജ്ഞാപനം ചെയ്ത ഈ പ്രദേശങ്ങളിൽ ഭൂജലവികസനത്തിനു (കിണർനിർമ്മാണം) ഇനി മുതൽ അതോറിറ്റിയുടെ മുൻകൂർ അനുമതി വേണം. ഇതുസംബന്ധിച്ച കൂടുതൽ വിവരങ്ങൾ ജില്ലാ ഓഫീസർ, ഭൂജലവകുപ്പ്, എ18, മുനിസിപ്പൽ റിഎച്ച്കോംപ്ലക്‌സ്, ടൗൺ ബസ് സ്റ്റാൻഡിനു സമീപം, പാലക്കാട് 678014 എന്ന വിലാസത്തിൽ ബന്ധപ്പെടാം. ഫോൺ നമ്പർ: 0491 2528471, മെയിൽ gwdpkd@gmail.com കാസർകോട്, 671123. ഫോൺ നമ്പർ: 0499 4255392.
English summary;Government Notification to Control Groundwater Development
You may also like this video;
